Bjóðum stjórn ríkisins út.

Hér með segi ég Ríkisstjórn Íslands upp.

Mér finnst ríkisstjórn Íslands hafa brugðist og ég vil hana í burtu. Ég vil líka að stjórn Seðlabankans víki.

Þar sem stjórnarandstaðan er ósamstæð og engan vegin nógu öflug legg ég til að stjórn Íslenska ríkisins næstu tvö árin, verði boðin út á Evrópska efnahagssvæðinu og okkar helstu lánveitendum verði falið að ráða fólk til starfans.

 

Samfylking með langmest fylgi

Athugasemdir

[Atli Hermannsson., 2.11.2008 kl. 02:50]

Húmorinn klikkar ekki hjá þér frekar en fyrri daginn. En ég held að frjálslyndir þurfi að forða sér úr þeirri botnlangagötu sem flokkurinn er í. Það er að segja ef flokkurinn ætlar ekki bara að sætta sig við að vera einhvers konar kreddusamkunda nokkurra kverulanta og berjast endalaust við að hanga inni. Ég er að styrkjast i þeirri trú að það þurfi að endurnýja megnið af forystunni við fyrsta tækifæri...í ljósi orða Jóns Baldvins, ef kapteinninn fiskar ekki verður að skipta um. Þú sérð það að þegar Steingrímur J. á sviðsljósið er eitthvað verulega mikið að.

Þá eru nokkrir einstaklingar í flokknum mjög duglegir að kynna forn viðhorf, íhald og afturhaldsemi sem seint verður flokkað sem frjálslyndi -  og enn seinna til þess fallið að trekkja að. Þar fólk tönglast í sífellu á innihaldslausum frösum og forn hugtökum sem áttu við á 19. öld. Því verður flokkurinn að gera það sem fyrst upp við sig í ljósi breyttra aðstæðna hvert hann ætlar, ef hann ætlar þá nokkuð.

Það er ekki hægt að bjóða manni lengur upp ákjaftæði eins og það að ..skoða eigi málinn... ræða þurfi hlutina... eða að afla þurfi frekari upplýsinga. Ef fólk þarf mikið lengri tíma til að lesa sig til og gera sér grein fyrir því hvar framtíðin er, eru viðkomandi einstaklingar annað hvort ekki læsir eða hafa einfaldlega verið  meðvitundarlausir síðustu misseri.   

[Þóra Guðmundsdóttir, 2.11.2008 kl. 12:48]

Öllu gamni fylgir nokkur alvara .

Ég er algjörlega sammála þér.  Það þýðir ekkert að segja alltaf að það sé ekkert að marka skoðanakannanir.