Alveg óvart

Það er hlálegt að svo virðist sem það eina sem við "gerðum rétt" var alveg óvart. Það er ekki eins og menn hafi tekið meðvitaða ákvöruðun um að láta hlutina fara svona, þeir reyndu eins og þeir gátu að fá meira fé inn í bankana en það var bara ekki hægt. Óþarfi að berja sér á brjóst fyrir svona lagað.


mbl.is Íslenska leiðin var best
Tilkynna um óviðeigandi tengingu við frétt

« Síðasta færsla

Athugasemdir

1 Smámynd: Guðmundur Ásgeirsson

Eftirfarandi ályktun skýrsluhöfundar:

The experience with the collapse of the gigantic Icelandic banking system suggests that letting banks fail when they had a faulty business model is the right choice.

Og skiptir engu máli hvort aðrir möguleikar komu til greina á Íslandi haustið 2008. Hann er einfaldlega að draga þá ályktun í ljósi reynslunnar frá Íslandi, að þegar sú staða kemur upp að banki lendi í kröggum vegna þess að rekstur hans sé ekki í lagi, þá sé almennt það rétta að láta hann rúlla. Þetta verður jafn lögmæt ákvörðun næst þegar það gerist einhversstaðar að banki fer í þrot, hvort sem það er á Íslandi eða annars staðar.

Í skýrslunni kemur fram að höfundur er fyllilega meðvitaður um að Íslendingar höfðu ekki um aðra kosti að velja, þeir gátu ekki bjargað bönkunum. Hinsvegar er reynsla okkar borin saman við reynslu Íra, sem gátu aftur á móti bjargað sínum bönkum og ákváðu að gera það, en með skelfilegum afleiðingum.

Varstu yfir höfuð búinn að glugga í skýrsluna áður en þú myndaðir þér skoðun á henni?

Guðmundur Ásgeirsson, 2.1.2012 kl. 17:17

2 Smámynd: Þóra Guðmundsdóttir

Já, það sem ég er að gagnrýna er að skýrsluhöfundar skuli kjósa að nota orðin  ; right choice, þegar þetta var ekkert val, og tala um "buisness model" eins og þetta hafi verið þaulskipulagt.

Þóra Guðmundsdóttir, 2.1.2012 kl. 17:22

3 Smámynd: Guðmundur Ásgeirsson

Berðu saman þessar tvær yrðingar:

Íslendingar tóku rétta ákvörðun haustið 2008.

Ef [einhver] banki er með ónýtt viðskiptalíkan er rétt ákvörðun hjá [hverjum sem á í hlut] að láta hann fara á hausinn.

Þessar tvær setningar eru augljóslega langt frá að vera jafngildar.

Skýrsluhöfundur segir ekki beinlínis að Íslendingar hafi sem slíkir tekið frábæra ákvörðun, heldur að í ljósi reynslunnar af þeirri leið sem Íslendingar neyddust til að fara dregur hann þá almennu ályktun að almennt sé rétt að láta banka með ónýtt viðskiptalíkan fara á hausinn. Sem þýðir að næst þegar það gerist einhversstaðar í heiminum þá væri það að líka skynsamleg ákvörðun, alveg sama hvar í heiminum það gerist burtséð frá því hvort Íslendingar höfðu einhverja aðra valmöguleika í stöðunni haustið 2008.

Íslendingar tóku rétta ákvörðun, sem vildi svo til að var sú eina mögulega í því tilviki. Írar höfðu fleiri möguleika en völdu samt þann versta og eru núna að vinna að því hörðum höndum að reyna að bakka út úr þeirri ákvörðun.

Guðmundur Ásgeirsson, 2.1.2012 kl. 17:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband