Vilji borgarbúa.

Ögmundur áttar sig á því að núverandi borgaryfirvöld vilja flugvöllinn burt úr Vatnsmýrinni. Hvað með núverandi borgarbúa? og hvað með aðra landsmenn?

Í tíð R listans var kosið  um framtíð flugvallarins í Vatnsmýrinni. Illu heilli hvöttu Sjálfstæðismenn "sitt fólk" að hundsa kosninguna. Forysta Sjálfstæðisflokksins á þeim tíma vildi halda flugvellinum í borginni sem og margir flokksmenn. Mig minnir að niðurstaða kosningarinnar hafi fallið flugvellinum í óhag. Ef Sjálfstæðismenn hefðu tekið þátt þá hefði niðurstaðan orðið önnur.

Talað var um að færa flugvöllinn á Hólmsheiði, en allir sem vilja vita vita að það er algjör fásinna í alla staði. Fyrir svo utan það að það er ekkert til sem heitir að færa flugvöll.

Hrafn Gunnlaugsson og Framsóknarflokkurinn töluðu um Löngusker sem er auðvitað hreint og klárt bull. 

Ef flugvöllurinn í Vatnsmýrinni verður lagður af þá er nærtækast að innanlandsflugið verði flutt á Keflavíkurflugvöll.

Að mínu mati er það mál allra landsmanna hvar flugvöllurinn er staðsettur. Það er ekki einkamál Reykvíkinga.

Hitt er svo annað mál að eflaust er hægt að laga flugvöllinn aðeins til og  minnka það svæði sem hann hefur nú þegar. 

Mín hugmynd er sú að það ætti að laga hann til og jafnvel gefa aðeins í og hefja áætlunarflug til London og Kaupmannahafnar frá Reykjavíkurflugvelli, sleppa fríhöfn og svoleiðis veseni, bara flug og ekkert annað. Þannig mætti stytta ferðatíma til þessara staða sem eru helstu áfangastaðir Íslendinga.

Hefði ekki blásið miðstöð af

Athugasemdir

[krumminn, 10.11.2010 kl. 23:39]

Góða kvöldið, um leið og ég vil þakka góða grein um flugvöllinn þá mæli ég sérstaklega með þinni hugmynd um að fá flug til fleiri landa og sleppa Fríhöfninni algjörlega, enda vandséð að hún hafi nokkra þýðingu þegar komið er árið 2010

Og svo bara smá ábending því ég veit ekki betur en að það sé flogið til Færeyja reglulega frá Reykjavík með góðum árangri.

Og að sjálfsögðu flugvöllinn áfram á sama stað.

Með kveðju,

Björn Sig. Húsavík

[Sigurður Haraldsson, 10.11.2010 kl. 23:57]

Samála ykkur Sigurður á Fellsenda.