HÚRRA VALGERÐUR. Eins og talað frá mínu hjarta.

Auðvitað. Ef þingmennirnir treysta sér ekki til að búa við þau kjör sem okkur hinum eru ætluð ættu þeir bara að finna sér léttari störf.

Meðflutningsmenn eru : Katrín Júlíusdóttir, Ellert B.  Schram,  Gunnar Svavarsson og Róbert Marshall

Svo er bara að sjá hvaða hljómgrunn þetta fær hjá hinum, það verður spennandi. 

 

 

 

 

Vilja afnema sérstök lífeyrisréttindi þingmanna og dómara

Amma, amma er ég nokkuð einbirni ?

Ég var um það bil fimm ára og hljóp grátandi inn til ömmu. Stór stelpa hafði beygt sig niður að mér og sagt alvarleg á svip "þú ert einbirni".  Mér fannst orðið bæði vont og ljótt. Ég og mamma áttum heima hjá ömmu og afa, enginn pabbi og ég hafði þá þegar heyrt ýmislegt miður fallegt um tilurð mína.

Kannski var það þess vegna sem mér fannst þetta orð svona vont. Enn þann dag í dag hef ég ekki tekið þetta orð í sátt.

Þetta er ein þeirra minninga sem endurútgáfa Tíu lítilla negrastráka hefur vakið hjá mér. Ég fékk þessa bók að gjöf þegar ég var lítil og  hafði gaman af henni. Aldrei tengdi ég hrakfarir drengjanna litarhætti þeirra né heldur hafði bókin áhrif á álit mitt á svörtu  fólki yfirleitt. Á þeim tíma voru svertingjar sjaldséðir í Reykjavík og hafði ég aldrei séð slíkan með berum augum.

Grimms ævintýrin voru líka lesin fyrir mig á þessum árum og eins og allir vita er nú ekki allt fallegt sem þar er, til dæmis hvernig Hans og Gréta fóru með galdranornina. Vonda stjúpan í Mjallhvíti fékk á sig logandi járnskó og dansaði þar til hún drapst. 

Ég man að þegar ég var lítil þá fannst mér þessar sögur vera stórgóðar. Þær höfðu þann einfalda boðskap að það borgaði sig alltaf að vera góður og hinir vondu fengu makleg málagjöld.

Mér brá hins vegar og varð hálf illt þegar ég, ásamt bekkjarsystkinum var látin lesa Sögu handa börnum og Eldhús eftir máli, eftir Svövu Jakobsdóttur.

Mér brá líka þegar ég las Grimms ævintýrin fyrir mína syni. Mér fannst svo mikið ofbeldi í þeim að ég sá ástæðu til að ritskoða þau og fegra. Til dæmis lét ég Hans og Grétu villast í skóginum í staðinn fyrir að pabbinn styngi þau af. Vonda stjúpan var bara rekin að heiman og þar fram eftir götunum. 

Ég velti því fyrir mér hverju þessi viðkvæmni tengist, kannski eykst hún bara með aldrinum.

Er hægt að vera sjálfhverfari?

Birki Jóni Jónssyni hefur verið tíðrætt um eigin heilsu á bloggi sínu eftir að hann sjálfur greindist með sykursýki 1.

Þar talar hann meðal annars um það hvað heilsan sé dýrmæt ,"Ekkert er dýrmætara en heilsan" segir hann á einum stað og í framhaldi af því  talar  hann um nauðsyn þess að halda í Íslensku mjólkina, það sé svo mikilvægt fyrir heilsu Íslensku þjóðarinnar varðandi sykursýki.

Á sama tíma er hann meðflutningsmaður á frumvarpi, þar sem lagt er til að koma áfengi í matvöruverslanir.

Það er vitað að sú aðgerð myndi hafa veruleg áhrif til hins verra á heilsufar þjóðarinnar allrar, líkamlega, andlega og eins myndi hafa neikvæð félagsleg áhrif, sérstaklega á börn.

Er Birki bara umhugað um það sem hrjáir hann og hans fjölskyldu ? 

 

Réttur hverra?

Á fréttavef vísis  er sagt frá því að Íslenskar lesbíur geta fengið nafnlaust gjafasæði frá dönskum sæðisbanka.

Lesbíur hafa talið það sinn rétt að fá að ganga með og eignast börn. 

Það getur ekki verið réttur nokkurrar manneskju að eignast börn.

Mér finnst það hins vegar vera skýlaus réttur barna að vel sé að þeim búið, komi þau á annað borð í heiminn.

Það er líka jafnsjálfsagður réttur barna að þekkja bæði föður sinn og móður.

Eins er það réttur þeirra að umgangast bæði föður sinn og móður sé þess nokkur kostur.

Í Barnasáttmála Sameinuðu þjóðanna er þetta eitt af höfuðatriðum sáttmálans.

Hvernig stendur á því að þessi réttur barnanna er hundsaður ?

Við þekkjum ótal dæmi um að fólk sem af einhverjum ástæðum veit ekki hver faðir þess er, eyðir ómældum tíma og peningum til að finna hann. Nærtækast er að nefna börn Bandarískra hermanna. Þetta fólk segir frá því að því finnist mikið vanta þegar það þekkir ekki uppruna sinn og skiptir þá engu hvort það hafi átt góða æsku eða ekki. Þetta virðist vera þeim mikið mál.

Hver vegna í ósköpunum erum við að stuðla að því, með nafnlausu gjafasæði, að fjölga svona málum?

Hafa þessar ágætu konur sem þrá svona heitt að eignast börn ekki leitt hugann að þessu.?

Hvers vegna kjósa þær að svipta börnin sín þessum sjálfsagða rétti þeirra ? 

Hvers vegna er þetta ekki gert fyrir opnum tjöldum?

Fólk á rétt á því að vita uppruna sinn það á ekki að vera hægt að ganga fram hjá því.

 Áður birt í nóv. 2007.

HVERS VEGNA EKKI ÓLAFUR F ?

Margir hafa spurt, og þeirra á meðal Margrét Sverrisdóttir hvers vegna Frjálslyndir ályktuðu bara gegn henni en ekki gegn Ólafi F Magnússyni, sem þó gekk úr flokknum eins og Margrét.

Því er til að svara að Margrét hefur ekki látið neitt tækifæri ónotað til að hreyta ónotum í fyrrum flokksfélaga sína sem þó studdu hana með ráðum og dáð á sínum tíma.

Í Frjálslynda flokknum er fjöldinn allur af fólki sem studdi Margréti og lagði á sig ómælda vinnu til að koma henni á þann stað sem hún er nú. Því fólki er nú  nóg boðið.

Svo er Ólafur  veikur og okkur þykir það einfaldlega rétt að láta hann í friði þó svo að Margréti finnist það ekki.

Siðferði

Stjórn Landsambands kvenna í Frjálslynda flokknum samþykkti í kvöld ályktun þar sem seta Margrétar Sverrisdóttur í borgarstjórn er hörmuð. Stjórnin segist í ályktuninni lýsa vantrausti á Margréti.

Ályktun LKF:
Stjórn Landsambands kvenna í Frjálslynda flokknum, harmar að sundrung skyldi verða í Frjálslynda flokknum s.l. vetur þegar Margrét Sverrisdóttir og nokkrir stuðningsmenn hennar kusu að segja sig úr Frjálslynda flokknum eftir að hafa tapað í varaformannskjöri fyrir Magnúsi Þór Hafsteinssyni.

Landssamband kvenna í Frjálslynda flokknum bendir á að Margrét Sverrisdóttir benti réttilega á hversu óeðlilegt það er að kjörinn fulltrúi stjórnmálaflokks skipti um flokk á miðju kjörtímabili og sitji áfram í þeirri trúnaðarstöðu sem hann var kosinn til upphaflega. Þegar Gunnar Örlygsson sem kosinn var á alþingi fyrir Frjálslynda flokkinn gekk í Sjálfstæðisflokkinn lýsti Margrét Sverrisdóttir því yfir að þetta væri bæði ólöglegt og ósiðlegt að Gunnar skyldi ætla að halda þingsætinu sem með réttu tilheyrði Frjálslynda flokknum. Hún kærði athæfi Gunnars síðan til umboðsmanns Alþingis.

Nú er Margrét Sverrisdóttir í sömu stöðu og situr áfram í sæti sem tilheyrir Frjálslynda flokknum í borgarstjórn Reykjavíkur þó hún hafi sagt sig úr flokknum. Það er sama siðleysið og hjá Gunnari Örlygssyni á sínum tíma.

Landssamband kvenna í Frjálslynda flokknum lýsir vantrausti á Margréti Sverrisdóttur og öll vinnubrögð hennar þar sem hún gékk úr flokknum en situr samt í umboði hans
í borgarstjórn. Margrét var ekki kosin persónukjöri heldur voru það atkvæði flokksins, sem veittu henni setu sem varamanni í nafni Frjálslynda flokksins.

Landssamband kvenna í Frjálslynda flokknum skorar á Margréti Sverrisdóttur að fylgja því siðferði sem hún áður boðaði að ætti að gilda í stjórnmálum og segja af sér sem varaborgarfulltrúi þannig að raunverulegur fulltrúi Frjálslynda flokksins setjist í borgarstjórn í stað þeirra sem farnir eru úr flokknum.

Borgarstjórnarflokkur Frjálslyndra og óháðra er óviðkomandi Frjálslynda flokknum meðan fulltrúar annarra flokka en Frjálslynda flokksins sitja sem fulltrúar flokksins á fölskum forsendum. Framkoma Margrétar Sverrisdóttur og tækifærismennska vegna eigin hagsmunagæslu er ekki traustvekjandi fyrir ungar konur sem vilja taka þátt í pólitík og ekki hvetjandi fyrir konur að horfa á vinnubrögð hennar að sitja umboðslaus í borgarstjórn. Margrét Sverrisdóttir situr ekki fyrir og er á engan hátt tengd Frjálslynda flokknum.

Hvert er vandamálið með aðgengið ?

Enn og aftur skýtur þetta ábyrgðalausa frumvarp upp kollinum. 

Það mætti ætla að það væri eitthvað erfitt að nálgast áfengi. Það er ekki eins og ástandið sé  eins og það var um árið þegar menn stóðu í stöppu fyrir framan mislynda afgreiðslumenn og með óþolinmóða kaupendur fyrir aftan sig.

Það er líka eins og fólk átti sig ekki á því að áfengi er ekki og á ekki að vera dagleg neysluvara.

Mér finnst það líka alltaf jafn fáránlegt þegar menn eins og Sigurður Kári og Guðlaugur Þór, halda því fram að ástandið í áfengismálum sé harla gott í þeim löndum sem þeir vilja herma eftir. Það er bara alls ekki þannig því miður.

Í þessum löndum eins og t.d. Bretlandi og Frakklandi eru bullandi vandamál vegna ofneyslu áfengis. Ofneysla er heldur ekki bara hjá alkahólistum, alls ekki menn geta alveg drukkið sér til tjóns án þess að vera alkar.

Menn eru líka duglegir að tala um að kaupmönnum sé svo ljómandi vel treystandi til að höndla með þessa vöru, þeir myndu gæta þess vel að selja bara þeim sem náð hafa tilskildum aldri svona eins og með tóbakið. 

Á hverjum einasta degi eru tóbakslög brotin, börn allt niður í þrettán ára eiga auðvelt með að kaupa sér sígarettur. Ég get nefnt sem dæmi Nóatún vestur í bæ. Þar eins og á svo mörgum öðrum stöðum eru ungir krakkar að vinna og þeir selja jafnöldrum og skólafélögum sínum sígarettur.

Það er í rauninni engin ástæða til að ætla að kaupmenn geti staðið sig eitthvað betur varðandi áfengið. 

Á að gefa bjór- og léttvínssölu frjálsa?

Að komast á spjöld sögunnar.

Það var gaman fyrir Vilhjálm að vinna borgina eftir 12 ára valdtíð R listans. En að glutra henni aftur fáeinum mánuðum síðar og vera sá fyrsti í sögunni til þess er ótrúlegt "afrek" og um leið klúðrar hann tækifæri lífs síns.  

Góður fundur.

Fundurinn í gær var bara fínn. Það var greinilegt að fólki finnst vera tími til kominn að taka til hendinni.

Í stjórninni eru auk mín 

1. Guðrún Þóra Hjaltadóttir

2. Halla Rut Bjarnadóttir

3. Kjartan Eggertsson

4. Höskuldur Höskuldsson

5. Kolbeinn Guðjónsson

6. Gunnar Skúli Ármannsson

7. Ingjaldur Indriðason

8. Rannveig Höskuldsdóttir      
   Ég er alveg sannfærð um að við munum eiga gott samstarf.
   

Stofnfundur í kvöld

Í gærkvöldi var kjördæmafélag Frjálslyndra í  Reykjavík Norður stofnað, sjá má umfjöllun um það hér  og hér.

Í kvöld á svo að stofna samskonar félag fyrir Reykjavík Suður. Ég vona svo sannarlega að sá fundur verði  jafn góður.

Sjáumst í kvöld.