Ótrúlegt

Ekki slæmt að hafa þetta með sér í gönguferðir, svona sem burðardýr. 

 

Undarlegur dómur.

Ég verð að segja að mér finnst þetta mjög skrítinn dómur. Sérstaklega þegar hann er settur í samhengi við aðra dóma  þar sem einn veldur öðrum skaða.

Þarna er um að ræða barn sem virðist í óðagoti skaða kennarann, það þykir ólíklegt að barnið hafi ætlað að vinna kennaranum mein en dómarinn segir að barninu hefði mátt vera ljóst að það gæti verið hættulegt að loka hurðinni með þeim hætti sem það gerði.

Þessi dómur er enn undarlegri þegar við skoðum dóma sem fullorðið fólk fær þegar það af ásetningi skaðar aðra og það jafnvel þegar það veldur börnum óbætanlegu tjóni. Svo ekki sé nú talað um þegar fullorðinn karlmaður lemur konu í spað, þá er bara um fáeina hundraðþúsundkalla að ræða.

Snýr þessi dómur kannski bara að tryggingafélaginu sem fjölskyldan er tryggð hjá ?  

Dæmd til að greiða kennara 10 milljónir í bætur

Sérkennilegt sjónarhorn

"Vændiskonan sem felldi ríkisstjórann í New York úr embætti". Þetta birtist á vísir.is

 Í fréttum stöðvar 2 var svipað uppi á teningnum "Vændiskonan sem kostaði ríkisstjórann í New York starfið"

Vægast sagt undarlega að orði komist í fréttinni. Þá mætti líka segja: Bíllinn sem varð til þess að Jón ók of hratt og missti prófið.

Annars er þetta ekkert nýtt, fréttamenn tala gjarnan eins og það sé hálkunni að kenna þegar menn keyra ekki eftir aðstæðum.

Vændi í Kastljósi.

Ég sá viðtalið við vændiskonuna í Kastljósinu í gær. Þetta hljómaði eins og grín af verstu sort.  Þarna sat hún blessuð konan og reyndi að útskýra hvað þetta væri nú allt saman eðlilegt eins og um venjulegt starf væri að ræða. Samt gat hún ekki komið fram undir nafni. Auðvitað ekki.

Það er einmitt mergur málsins, þetta er hvorki eðlilegt né venjulegt starf. Ég var mest hissa á þeim í Kastljósinu að þeir skuli yfirleitt vera að birta þetta viðtal.

Vesalings konan reyndi svo að afsaka sig með því að það væru bara fordómarnir í samfélaginu sem kæmu í veg fyrir að hún kæmi fram undir nafni.

Fordómar, er orð sem er klárlega ofnotað. Þegar maður hefur kynnt sér mál og komist að niðurstöðu þá eru það ekki fordómar.

Ég áttaði mig alls ekki á því hvað vakti fyrir Kastljósfólki með þessu viðtali.  Hvers vegna ríkisfjölmiðill telur ástæðu til að fjalla um þetta mál með þessum hætti. Átti þetta kannski að vera liður í því að venja fólk við að vændi verði gert opinbert og viðurkennt á Íslandi ? 

Öfgafeministar

Konur í Sádi -Arabíu vilja fá að aka um þjóðvegi landsins, alveg ótrúleg frekja. Eins og það sé ekki nóg fyrir þær að fá að keyra. Það hefði farið betur á því að þær hefðu ekki fengið að læra á bíl.  Það verður að passa að hleypa þessum kvensum ekki of langt, það er aldrei að vita hvað þær kunna að heimta næst.

 

Konur í Sádí-arabíu vilja fá að aka bílum

Skyldusparnaður.

,,Nú er rétti tíminn fyrir skyldusparnað. Þrátt fyrir það að ég sjálf hafi farið illa út úr skyldusparnaðinum á sínum tíma þá mæli ég eindregið með því að hann verði tekinn upp aftur.

Ég og mín kynslóð vorum bara einstaklega óheppin ef hægt er að taka þannig til orða, því sparnaðurinn var óverðtryggður og brann bara upp eins og annar sparnaður á þeim tíma.

Svo var ég líka svo ljómandi heppin eða hitt þó heldur, að í kjölfarið var verðtrygging tekin upp og einmitt þá tók ég mín fyrstu lán sem voru auðvitað verðtryggð þegar óðaverðbólgan geisaði enn og það þótti þjóðráð að taka launin úr sambandi, hætta að verðtryggja þau því þá eins og nú voru laun láglaunafólks aðalástæðan fyrir verðbólgu.

 

Byssan.

Mér finnst ekki rétt að vera að gera eitthvað með svona hluti eins og þessa byssu. Það hefði verið hreinlegast að eyða henni.  Ég reyni markvisst að leggja nöfn svona misyndismanna ekki á minnið, ég vil ekki gera þeim það til geðs. Oft er það einmitt aðaltilgangur þeirra, að verða frægur.

Alræmd byssa á uppboði

Hvers vegna ?

Maðurinn við Guð : Hvers vegna skapaðir þú konuna svona fallega ?

Guð : Til þess að þú eigir auðvelt með að elska hana.

Maðurinn : En hvers vegna skapaðir þú hana svona heimska ?

Guð : Það var til þess að hún gæti elskað þig. 

Nýja sjúkrahúsið

Nú hefur verið ákveðið að láta til skarar skríða og byggja almennilegt sjúkrahús. Það er auðvitað löngu tímabært en ekki líst mér á líkanið og þaðan af síður staðsetninguna.

Ég hefði viljað sjá spítalann rísa á öðrum stað eins og til dæmis í Fossvogi eða hjá Vífilstöðum sem hefði sennilega verið besta staðsetningin.

Þetta líkan minnir óþægilega á byggingastíl sjöunda áratugarins, eitthvert amerískt skrímsli. Ég hef líka heyrt marga segja að betra hefði verið að byggja hærra upp heldur en að dreifa húsunum útum allar jarðir.

Ég er líka hálf hrædd um að mönnum takist að klúðra hlutunum. Byggingarkostnaðurinn á auðvitað eftir að fara ævintýralega fram úr áætlun eins og alltaf þegar um opinberar framkvæmdir er að ræða.

Því þrátt fyrir að menn séu alltaf að þykjast að vera að læra af mistökunum sem þeir gera þá læra þeir bara andsk....  ekki neitt.

Það kæmi mér ekkert sérstaklega á óvart þó svo að það gleymdist að gera ráð fyrir sjálfsögðum hlutum eins og býtibúrum og ýmsu smálegu. Gleymdist ekki að gera ráð fyrir fötluðum í dýrustu ferju í heimi ?

Ég man líka eftir kirkju þar sem gleymdist að hafa skrúðhús.

Ég ætla samt að vona að þetta gangi upp og við fáum sjúkrahús við hæfi. Sjúklingar og aðstandendur þeirra eiga að mínu mati heimtingu á almennilegum spítala svo ekki sé nú talað um starfsfólkið sem myndi eflaust þiggja betri vinnuaðstöðu. Þá er bara að vona líka að það takist að manna svona stóran vinnustað. 

Ekki skrítið að flestir vilji Hönnu Birnu í borgarstjórastólinn.

Hanna Birna er sú eina sem býr yfir þeim myndugleika sem þarf í starfið. Það hefur margoft komið í ljós. Borgarbúar kalla líka eftir heilindum hjá kjörnum fulltrúum og hún er sú eina af þeim þremur efstu í Sjálfstæðisflokknum sem hefur ekki verið uppvís að því að segja ósatt.

Ég vona bara allra vegna að Vilhjálmur átti sig og dragi sig í hlé, þetta er orðið ágætt og ástandið getur bara versnað. Hann sagðist ætla að hlusta á borgarbúa og nú ætti hann að heyra. 

 

Flestir vilja Hönnu Birnu sem borgarstjóra

Sama hvaðan gott kemur ??

Þessu hefur oft verið haldið á lofti og þá sérstaklega til að verja hæpinn málstað.

Ég get ómögulega fallist á þetta. Mér finnst skipta máli hvaðan hlutirnir koma,  mér er ekki sama hvaðan hið "góða" kemur.  

Ef framið yrði valdarán hér á Íslandi og ræningjarnir byrjuðu á því að bæta kjör aldraðra og öryrja, myndi fólk þá bara kyngja því og kyrja "það er alveg sama hvaðan gott kemur" ? 

Villi í vanda.

 Hvernig stendur á því að maður sem kominn er af barnsaldri skuli ekki skilja hvað það þýðir að axla ábyrgð ? Það var beinlínis átakanlegt að horfa á Vilhjálm á þessum svokallaða fréttamannafundi. Heyra í manninum reyna að klóra sig útúr þessu. Á maður svo að trúa því að félagar hans styðji hann heilshugar ? ég held ekki, þau hefðu þá verið þarna hjá honum. Sennilega hafa þau  ekki treyst sér til að standa þarna fyrir framan myndavélarnar og segja ósatt. Svipurinn á þeim hefði komið upp um þau.

Þau eru heldur ekki öfundsverð af stöðunni. Það er í rauninni alveg sama hvað Villi hefði sagt í dag allt hefði það verið vont. Það hefði líka verið vont ef hann hefði stigið til hliðar. Einhverjir hefðu sagt að hann væri að yfirgefa sökkvandi skip og það þykir ekki gott. Svo eiga þau hin, sérstaklega Hanna Birna og Gísli Marteinn erfitt með að koma sér saman um það hvort þeirra ætti að taka við. 

Mér finnst augljóst að Hanna Birna eigi að taka við.Borgarbúar eiga skilið að fá ærlega manneskju sérstaklega eftir það sem á undan er gengið, síst af öllu þurfum við einn lygalaupinn enn. Gísli Marteinn afhjúpaði sig sem hégómlegan ósannindamann þegar hann skrökvaði til um prófgráðuna sem hann ætlaði að vera búinn að ná þegar bókin kæmi út. Ætli hann sé búinn að taka prófið ? 

Vandræðaástandið í Borgarstjórnarflokki Sjálfstæðisflokksins minnir óneitanlega á ástandið eins og það var þegar Davíð steig úr borgarstjórastólnum. Þá gátu Inga Jóna, Þórðardóttir, Björn Bjarnason, Katrín Fjeldsted og  Árni Sigfússon ekki með nokkru móti komið sér saman um hvert þeirra ætti að vera Borgarstjóri. Niðurstaðan var sú að enginn, lesist Markús Örn, var gerður að  Borgarstjóra. 

Það gat auðviðað ekki gengið svo að Árni var settur í staðinn en það var bara of seint.

Kosningabaráttan sem þá fór í hönd var ein sú mislukkaðasta í sögu Sjálfstæðisflokksins en þá var Árna Sigfússyni og allri hans fjölskyldu stillt upp eins og um ameríska draumafjölskyldu væri að ræða. Íslendingar voru ekki alveg til í að kaupa það og það átti örugglega sinn þátt í því að Ingibjörg Sólrún náði kjöri. Hún var nefnilega bara ein í framboði þrátt fyrir að eiga þennan líka fína eiginmann og tvo ágætlega útlítandi syni. 

Gott ef það var ekki Hanna Birna sem átti stóran þátt í þessu klúðri sem hugmyndasmiður.

Núverandi "kvóti" Ráða skal nothæfan vin eða vandamann í stað hæfari vandalausan.

Merkilegt hvað svona uppástunga vekur sterk viðbrögð. Sumir virðast hreinlega ganga af göflunum. Svo hefst söngurinn, "þá neyðist maður til að ráða óhæfa konu í staðinn fyrir hæfan karl".

Það er eins og engum detti í hug að valið geti staðið á milli tveggja hæfra einstaklinga af sitthvoru kyni. Hvað með núverandi "kvóta" það er að segja vina og vandamannakvóta ? Ráða skal nothæfan vin eða ættingja í stað hæfari vandalausan.

Hógværar konur segjast líka vera á móti kynjakvóta því hann væri niðurlægjandi. Þær segjast vilja vera ráðnar vegna eigin hæfileika en ekki vegna kynferðis. Látið ykkur dreyma. Eins og hæfileikar séu það sem hefur gilt hingað til samanber þrjár nýjustu ráðningar tveggja ráðherra, allar mjög umdeildar.

Ef sú væri raunin þá væri margt öðruvísi og örugglega væru mun fleiri konur í ábyrgðastöðum en nú er og konur og karlar fengju sömu laun fyrir sömu vinnu. Ég trúi því ekki að hlutfall kynjanna í þessum stöðum endurspegli hæfileika þeirra.

Treystir einhver sér til þess að segja að þessar konur á listanum séu óhæfar? Held ekki.

Hvaða fyrirtæki sem er væri fullsæmt af því að hafa einhverja þeirra í sinni stjórn.

 

Kynjakvóti bundinn í lög?

Dauðarefsing

Almennt er ég á móti dauðarefsingum og einu sinni var ég algjörlega á móti þeim, fannst þær ekki eiga rétt á sér, en svei mér þá.

Sumir glæpir eru bara svo hryllilegir, hryllilegri en orð fá lýst. Að ræna börnum er einn af þeim. Ekki get ég ímyndað mér að þeir sem standi í svona löguðu eigi sér nokkrar málsbætur.

Kannski hafa dauðarefsingar ekki fælingarmátt í sjálfu sér gagnvart svona glæpum en það væri allavega gott til þess að vita að dauðir fara þessir djöflar ekki aftur á stjá, alla vega ekki í þessum heimi. 

40 börn fundust í vörubíl í Mósambík

Er stjórnmálamönnum alveg lífsins ómögulegt að segja satt ?

Það mætti halda það. Það er alveg sama hversu merkilegir hlutirnir eru eða ómerkilegir alltaf þarf einhver að segja ósatt.

Nýjasta dæmið er í sambandi við myndun nýs meirihluta, þar ber fólki alls ekki saman um hver talaði eða talaði ekki við hvern og hvenær. 

Margrét sagði að Ólafur hafi ekki talað við sig, Ásta Þorleifsdóttir fullyrðir að Ólafur hafi talað við Margréti. Dagur B. segist hafa hlegið með Ólafi að Sjálfstæðismönnum en Ólafur man ekki þann hlátur sem er leiðinlegt, honum virðist ekki veita af smá hlátri.

Því miður er þetta ekkert nýtt en ég hafði nú samt vonað að þetta væri á undanhaldi.