Björn, misskilningurinn er þín megin.

Björn, skilur þú ekki að fólk vill ekki svona spillingu meir?  Það er ekki í lagi að menn "kortleggi" gjörðir fjölskyldu sinnar, einfalt.

Er þér algjörlega fyrirmunað að sjá muninn á réttu og röngu?

Kannski er þetta afleiðingin af of langri stjórnarsetu.

Þess vegna þarf ríkisstjórnin að víkja

Björn Bjarnason: Ákveðinn misskilningur í gangi

Akkúrat ekkert að marka það sem þessi maður segir.

Því miður hefur Geir Haarde glatað öllum trúverðugleika gangvart almenningi. Hann hefur alltof oft sagt okkur beinlínis ósatt um svo margt.

En ef þetta er satt, þá breytir það ekki því að það eru komnir brestir í samstarf ríkisstjórnar og þjóðar og það er ekki síður alvarlegt.  

Geir: Engir brestir í stjórnarsamstarfinu

Þvílík hamingja.

Oft hefur því verið haldið fram að hamingja fáist ekki keypt fyrir peninga. En mikið held ég samt að vinningshafanum hafi létt við að fá 33 milljónir inná reikninginn sinn á þessum síðustu og verstu tímum. 

Allavega yrði ég hamingjusöm ef ég gæti rétt sisvona greitt niður allar mínar skuldir, þá gæti ég farið að hafa áhyggjur af merkilegri hlutum

 

Hyggst nýta milljónirnar til að greiða niður skuldir

Hvað svo????

Samfylkingin afneitar Davíð, en hvað þýðir það í raun? Ætlar Samfylkingin að aðhafast eitthvað frekar, ætlar hún að una því að Davíð verði áfram Seðlabankastjóri í skjóli Sjálfstæðisflokksins?

Hvað ætlar Sjálfstæðisflokkurinn að gera? Ætlar hann að hafa Davíð áfram þrátt fyrir óánægju samstafsflokksins?

Hvað ætlar Þorgerður Katrín að gera? Ætlar hún að láta það yfir sig ganga að Davíð tjái sig eins og honum sýnist og að ekki megi ræða Evrópu?

Samfylking afneitar Davíð

Hefur prófarkalestri verið hætt?

Undanfarið hef ég orðið vör við ótrúlega illa skrifaðar fréttir á mbl.is. Þessi er með þeim lélegustu sem ég hef séð.

Er heimilisfang Valgerðar svona merkilegt eða eru það sjö árin ?
Hvernig geta drengir sem eiga afmæli 1. nóv, átt afmæli í "gær" þegar fréttin er skrifuð 1.nóv. ?
Hvernig geta drengirnir verið fæddir sama dag  þegar þeir eru fæddir með 11 ára millibili ?
Hvað eru tvöfaldir tvíburar ?

Til hamingju með daginn srákar.

Fjórir bræður fæddir sama dag

Bjóðum stjórn ríkisins út.

Hér með segi ég Ríkisstjórn Íslands upp.

Mér finnst ríkisstjórn Íslands hafa brugðist og ég vil hana í burtu. Ég vil líka að stjórn Seðlabankans víki.

Þar sem stjórnarandstaðan er ósamstæð og engan vegin nógu öflug legg ég til að stjórn Íslenska ríkisins næstu tvö árin, verði boðin út á Evrópska efnahagssvæðinu og okkar helstu lánveitendum verði falið að ráða fólk til starfans.

 

Samfylking með langmest fylgi

Ganga hvurt?

Það er alveg rétt hjá Birni að gott væri að allir gengju í takt. Það skiptir ekki minna máli hvert ferðinni er heitið. Það  er til lítils að ganga  í takt við Geir og Davíð beint til andskotans eins og þeir virðast stefna.

Ríkisstjórn og seðlabanki verða að ganga í takt

Það þarf þorp til að ala upp barn.

Þetta er svo satt. Ef vel á að vera dugar ekkert minna. Ef við látum okkur öll varða velferð náungans þá farnast okkur betur.

Flestir foreldrar myndu þiggja með þökkum að nágrannar eða samborgarar skipti sér af óæskilegri hegðun barna og unglinga.

Það er hálf óhuggulegt að vita til þess að einhver hafi séð krakkana með gaskút fyrr um kvöldið. Sá hefði betur skipt sér af því, annaðhvort beint eða með því að hafa samband við lögregluna.
Þar sem enginn þekkir mann þar er gott að vera

því að allan andskotann þar er hægt að gera. 

Því miður eru margir sem hafa þetta að leiðarljósi en með því að standa saman þá myndu allavega sumir haga sér betur.

Fimm unglinganna komnir af gjörgæsludeild

Æjjj

Alveg er það óþolandi þegar svona kallar sem eru öruggir með allt sitt, fara að tala svona. Sjálfur er  Biskupinn með vel á aðra milljón í mánaðarlaun og er því sjálfur "vellauðugur" á flesta mælikvarða. 

Að segja  að hér sé umfram allt auðsældarkreppa en ekki örbirgð, er hrein móðgun við þá sem hafa þurft að draga fram lífið á rúmum hundrað þúsund krónum á mánuði. Þessi orð sýna bara að Hr. Biskupinn er ekki í nokkrum tengslum við raunveruleikann.

Veit Herra Biskupinn ekki að hér á Íslandi er fólk sem er að missa allt sitt, og vinnuna í ofanálag. Hér er fólk sem átti vart ofaní sig og á fyrir áfallið og hvað þá núna.

Vissulega eiga fáir svo bágt  að ekki sé einhver sem hafi það verr.  Mér finnst það bara ekki sæma biskupi að fara út í slíkan samanburð nú.

Má ég biðja  Biskupinn og hans félaga að bera harm sinn og áhyggjur í hljóði. 

Aldrei verið auðugri

Hefðbundið sunnudagsspjall.

Sennilega er þetta enginn krísufundur, það er örugglega ekkert verið að tala um neitt sérstakt svo sem eins og láta verða af því að sækja um aðstoð til IMF.

Nei nei þetta er eflaust bara hefðbundið sunnudagsspjall samræðustjórnmálamanna. Ingibjörg nýkomin frá útlöndum og svona, bara verið að koma henni inn í málið.

Var það ekki eitthvað á þessa leið sem Geir sagði um daginn. Daginn fyrir yfirtökuna á Glitni ?

Ráðherrar funda á ný