Réttur hverra?

Á fréttavef vísis  er sagt frá því að Íslenskar lesbíur geta fengið nafnlaust gjafasæði frá dönskum sæðisbanka.

Lesbíur hafa talið það sinn rétt að fá að ganga með og eignast börn. 

Það getur ekki verið réttur nokkurrar manneskju að eignast börn.

Mér finnst það hins vegar vera skýlaus réttur barna að vel sé að þeim búið, komi þau á annað borð í heiminn.

Það er líka jafnsjálfsagður réttur barna að þekkja bæði föður sinn og móður.

Eins er það réttur þeirra að umgangast bæði föður sinn og móður sé þess nokkur kostur.

Í Barnasáttmála Sameinuðu þjóðanna er þetta eitt af höfuðatriðum sáttmálans.

Hvernig stendur á því að þessi réttur barnanna er hundsaður ?

Við þekkjum ótal dæmi um að fólk sem af einhverjum ástæðum veit ekki hver faðir þess er, eyðir ómældum tíma og peningum til að finna hann. Nærtækast er að nefna börn Bandarískra hermanna. Þetta fólk segir frá því að því finnist mikið vanta þegar það þekkir ekki uppruna sinn og skiptir þá engu hvort það hafi átt góða æsku eða ekki. Þetta virðist vera þeim mikið mál.

Hver vegna í ósköpunum erum við að stuðla að því, með nafnlausu gjafasæði, að fjölga svona málum?

Hafa þessar ágætu konur sem þrá svona heitt að eignast börn ekki leitt hugann að þessu.?

Hvers vegna kjósa þær að svipta börnin sín þessum sjálfsagða rétti þeirra ? 

Hvers vegna er þetta ekki gert fyrir opnum tjöldum?

Fólk á rétt á því að vita uppruna sinn það á ekki að vera hægt að ganga fram hjá því.

 Áður birt í nóv. 2007.

Athugasemdir

[Auðun Gíslason, 24.10.2007 kl. 01:40]

Jú, jú það hefur verið talinn réttur kvenna að geta alið börn.  Þessvegna hefur, m.a. konum verið dæmdar bætur  sem gerðar hafa verið ófrjóar án eigin vitundar og samþykkis.

[Auðun Gíslason, 24.10.2007 kl. 01:52]

Ég veit ekki hvort það er vísvitandi rangt hjá þér,  en ég var að renna í gegnum barnasáttmálann.  Það er nú ekki minnst neitt sérstaklega á rétt barna til að umgangast föður sinn og móður.  Það er talað um foreldri og  foreldra og fjölskyldur, en ekki um föður og móður neitt sérstaklega.  Enda er það þannig að fjöldi barna þekkir hvorugt.  Fjöldi barna þekkir ekki föður sinn og fjöldi barna þekkir ekki móður sína.  Og fjöldi barna þekkir aðeins annað foreldra sinna.  Og hver segir að uppeldisforeldrar þurfi að vera af sitthvoru kyni.  Ekki er minnst á það í þessum Barnasáttmála sem þú minnist á (og hefur sennilega EKKI lesið).

[Guðrún María Óskarsdóttir., 24.10.2007 kl. 01:53]

Stórgóður pistill Þóra, og allar þessar spurningar sjálfsagðar og eðlilegar svo fremi réttur hins ófædda barns sé hafður í öndvegi , sem að sjálfsögðu skyldi vera.

kv.gmaria.

[Predikarinn - Cacoethes scribendi , 24.10.2007 kl. 03:36]

"Barnalög" Lög nr. 76 frá árinu 2003                                                                                                                                 

ásamt síðari breytingum :

I. kafli. [Foreldrar barns.]1)
   1)L. 65/2006, 26. gr.
1. gr. Réttur barns til að þekkja foreldra sína.
Barn á rétt á að þekkja báða foreldra sína.

[Sigurður Þórðarson, 24.10.2007 kl. 09:54]

Það á sjálfsagt eftir að heyrast ramakvein frá samfylkingarliði og feministum.                           Það breytir ekki því að þetta er stórgóður pistill hjá þér Þóra.

[Þóra Guðmundsdóttir, 25.10.2007 kl. 00:02]

Bæturnar sem þú nefnir Auðunn, eru ekki til komnar vegna þessa "réttar" heldur vegna skaðans sem þær hafa orðið fyrir. Þær sviftar því sem þær höfðu.

[Þóra Guðmundsdóttir, 25.10.2007 kl. 00:07]

Guðmundur, menn verða bara að gæta hófs við gjafir, passa sig að vera ekki of örlátir Það ætti að vera hægt að gera "skothelda" samninga sem tryggja það að menn verði ekki rukkaðir um meðlag. 

[Magnús Þór Hafsteinsson, 25.10.2007 kl. 19:35]

Hæ,

Gerðist svo djarfur að setja þennan pistil á www.xf.is

[Magnús Þór Hafsteinsson, 25.10.2007 kl. 19:36]

Hann birtist þar á morgun - fimmtudag.

mbk,