Alvöru borgarstjóri.

Það var ömurlegt að sjá gömlu húsin í miðbænum brenna í gær. 

Mér fannst  samt frábært að sjá borgarstjórann á staðnum. Þarna var hann í eldlínunni með slökkviliðsmönnunum og fylgdist með af lífi og sál. Mér fannst það flott hjá honum. Ég veit líka að þetta yljaði mögum um hjartaræturnar á erfiðri stund. 

Þessi atburður varðar okkur öll og þess vegna var viðvera hans viðeigandi en alls ekki sjálfsögð.

Fyrst ég er nú farin að hæla Villa þá ætla ég í leiðinni óska honum og félögum í borgarstjórninni til hamingju með umhverfisvænu breytingarnar. Ég hefði að vísu viljað sjá öryrkja og aldraða með námsmönnum í Strætó en engu að síður eru þetta mjög jákvæðar aðgerðir.

Áfram Villi.

Athugasemdir

[Kjartan Eggertsson, 19.4.2007 kl. 23:48]

Borgarstjórinn vill láta endurreisa húsin.  Ekki hef ég á móti því.  Hver á að borga?  Það er svolítil kaldhæðni í því að heyra borgarstjóra tala í kjölfar brunans vitandi það að hann er að láta rífa söguleg hús við Laugaveginn. 

Þessi auglýsing um græn skref er bara kosningaplakat fyrir ríkisstjórnina.  Reykvíkingar borga.