Orðfæri íþróttafréttamanna.

Úr íþróttafréttum Sjónvarpsins í kvöld. 

Skaut bylmingsskoti, sættust á jafntefli. Ég legg ekki meira á ykkur.


Verður einhver með Evru 2014?

Margir efast um að Evran lifi svo lengi.

Ég held að við ættum að stefna að því að taka um US Dollar nú eða eins og sumir hafa stungið upp á vera áfram með krónuna og reka Ríkið skuldlaust.


mbl.is Verðum ekki með evru árið 2014
Tilkynna um óviðeigandi tengingu við frétt

Sóðaskapur.

Samkvæmt vef Pressunar vísar Svanur í Bandaríska rannsókn. Ekkert bendir til að hægt sé að heimfæra þá rannsókn beint til Íslands.

Það eru engin ný tíðindi að sóðaskapur geti leitt af sér alvarlega hluti. Það rifjast upp fyrir mér að einn sona minna fékk heiftarlega sýkingu í handlegginn eftir bólusetningu sem framkvæmd var af heilbrigðistarfsfólki í skólanum hans.

Hvernig væri nú að fara að skoða meðferð Jónínu heildrænt og fordómalaust? Þá gætu læknar eflaust lagt ýmislegt til sem myndi bæta meðferðina og sjálfir tileinkað sér eitt og annað sem þar fer fram.


mbl.is Ristilskolun og sníkjudýr í görnum
Tilkynna um óviðeigandi tengingu við frétt

Læknar.

Ekki þekki ég til Detox Jónínu nema af afspurn og bara heyrt vel af því látið og það er alveg klárt að henni tekst með sínum aðferðum mun betur upp við ofurfeita einstaklinga heldur en þeim læknum sem dæla í þá lyfjum eins og því miður oft er raunin.

Árlega berast Landlæknisembættinu hundruð kvartana vegna lækna. Bæði vegna starfa þeirra og framkomu. Ekki hef ég orðið vör við að Landlæknir vari við þeim.

Á vefsíðu Landlæknisembættisins má lesa eftirfarandi:

" Upplýsingar um fjölda þeirra sem skaðast á sjúkrahúsum hérlendis eru ekki til. Ef hins vegar niðurstöður úr erlendum rannsóknum eru yfirfærðar á Ísland má gera ráð fyrir 50 til 300 ( feitletrun mín) dauðsföllum árlega hér á landi vegna óvæntra skaða, segir á vefsíðu Landlæknisembættisins. Óvæntur skaði er þegar meðferð sjúklings á spítala mistekst á einhvern hátt eða beinlínis ef mistök eru gerð, til dæmis við lyfjagjöf."


mbl.is Kvartað yfir detox til landlæknis
Tilkynna um óviðeigandi tengingu við frétt

Húrra fyrir henni, Sóley næst?

Flott, þessi ágæta kona ber eflaust mikla ábyrgð á því hvernig fór fyrir flokknum á Akureyri. Það hefði því verið með eindæmum hallærislegt ef hún hefði verið sú eina sem hefði hlotið starf að launum.

Nú er bara að bíða eftir því að Sóley Tómasdóttir geri slíkt hið sama.


mbl.is Sigrún Björk segir af sér
Tilkynna um óviðeigandi tengingu við frétt

Á staurinn ekki að láta undan?

Ég hélt að ljósastaurar ættu að vera þannig gerðir að þeir létu undan svona þungu höggi.
mbl.is Staurinn klauf vélarhúsið í tvennt
Tilkynna um óviðeigandi tengingu við frétt

Búast má við áminningu.

Aftur og aftur eru sjoppur uppvísar að því að selja unglingum undir lögaldri tóbak og fá áminningu. Hvað þarf eiginlega til að þær missi  tóbakssöluleyfið ?

Þeir sem vilja fá áfengið i matvöruverslanirnar þreytast ekki á því að benda á hvað einkaaðilum gengur ljómandi vel með tóbakið, þar gangi svo vel að fara eftir settum reglum.

Það vekur líka athygli að þessar kannanir virðast eingöngu vera gerðar í Hafnarfirði, hvernig stendur á því?


mbl.is Unglingar gátu keypt tóbak í 6 búðum
Tilkynna um óviðeigandi tengingu við frétt

Hvað svo?

Mér finnst það alltaf hálf einkennilegt í svona málum að þrátt fyrir að ráðningin reynist byggð á röngum forsendum jafnvel svo að þeir sem að henni standi séu dæmdir skaðabótaskyldir að þá standi hún.

Minnir á ráðningu sendiráðsprestsins í London á sínum tíma. Þá var um að ræða tengdason biskupsins. Ef ég man rétt þá var dómsmálaráðuneytið dæmt til greiðslu á skaðabótum til þeirrar sem var sannanlega hæfari til starfans.

Samt sat pilturinn brosmildi sem fastast og þeir sem urðu til þess að ríkið þurfti að greiða milljónir í skaðabætur sátu líka. 

Nú vill reyndar svo vel til að Árni er hættur en hvað með umræddan dómara, situr hann áfram.

Á þetta virkilega að halda svona áfram?


mbl.is Árni og ríkið bótaskyld
Tilkynna um óviðeigandi tengingu við frétt

Íslenska þjóðarsálin

Íslendingar hafa löngum þótt vera bæld þjóð. Við höfum ekki lagt það í vana okkar að flykkast út á götur þegar okkur hefur misboðið heldur höfum við borið harm okkar í hljóði. Það er hins vegar alkunna að þegar fólk byrgir of sterkar tilfinningar of lengi inni þá endi það oft með ósköpum.

Allt frá hruni hefur soðið á Íslensku þjóðarsálinni. Hún batt vonir við skýrsluna margumtöluðu en skýrslan sú lét aldeilis bíða eftir sér. Um það leiti sem þolinmæðin var á þrotum braust út eldur á Fimmvörðuhálsi. Þegar svo skýrslan kom róaðist allt því fólk er almennt ánægt með hana. 

En  þegar viðbrögð hinna ábyrgu voru ljós, enginn kannaðist við að bera ábyrgð heldur hver benti á annan þá var okkur öllum lokið og sjáið afleiðingarnar.

 Gígurinn í Eyjafjallajökli.. Myndin var tekin úr TF Sif í gær.

 

mynd


mbl.is Ófrýnileg ásýnd Eyjafjallajökuls
Tilkynna um óviðeigandi tengingu við frétt

Upptaka í þrívídd

Eru ekki örugglega einhverjir að taka gosið upp í þrívídd ? Ég ætla rétt að vona það. Alveg væri ég til í að sjá þá mynd í Háskólabíói.

 


mbl.is Óbreytt gos og fólk á heimleið
Tilkynna um óviðeigandi tengingu við frétt

"Þetta er bara mansal"

Arnari Þór Stefánssyni verjanda eins sakbornings finnst dómurinn vera þungur. „Fimm ár fyrir mansal er miklu þyngra en í alvarlegri brotum til dæmis gegn börnum. Ég tel að Hæstiréttur muni sýkna en ef hann sýkni ekki að refsingin verði minnkuð.“

Þessi ungi maður gerir sér greinilega enga grein fyrir því hvað mansal er alvarlegur glæpur. Mansal er þrælasala.

Vissulega eru dómar undantekningarlaust allt of vægir í alvarlegum brotum gegn börum en það þýðir ekki að dómar í öðrum alvarlegum málum eigi líka að vera vægir.

Þar sem þetta mál er það fyrsta sinnar tegundar hér á landi þá eru dómstólar ekki bundnir af dómahefðum eins og svo oft virðist vera raunin. Þess vegna er þessi dómur bara alveg ágætur. Að sjálfsögðu að því gefnu að mennirnir séu í raun sekir um þennan alvarlega glæp.


mbl.is 5 ára fangelsi fyrir mansal
Tilkynna um óviðeigandi tengingu við frétt

Fyrirtæki sem 80% eiga að sniðganga.

Að sniðganga fyrirtæki í eigu Haga virðist vera það eina sem þessi 80% geta gert til að lýsa vanþóknun sinni. Nú er bara að standa í lappirnar og gera það.

Á heimasíðu Haga er þessi listi.


mbl.is 80% vilja ekki Jóhannes í Bónus
Tilkynna um óviðeigandi tengingu við frétt

Ætli Finnur viti af þessu?

Finnur Sveinbjörnsson er einmitt nýbúinn að kveða upp þann úrskurð að þarna fari hæfustu stjórnendur landsins og í rauninni þeir einu sem geta rekið batteríið.

Annars er þetta eftir öðru, nú er það bara í höndum hins almenna borgara sýna að hann lætur ekki bjóða sér svona lagað með því að sniðganga þau fyrirtæki sem enn eru í eigu þessara fugla.

Nú þurfum við bara að fá lista yfir þessi fyrirtæki.


mbl.is Úrskurður um sekt Haga stendur
Tilkynna um óviðeigandi tengingu við frétt

Hvers vegna svona mikill munur á bótum

Mér finnst þessi dómur of vægur. Nú voru brot mannsins gegn börnunum fordæmalaus og virkilega alvarleg.

Í fljótu bragði finnst mér brotin gegn stúlkunum ekki  eða litlu minni en gegn drengnum, því er ég undrandi á þeim mikla mun á bótum sem þau eiga að fá. Drengurinn 1200 þúsund en stúlkurnar 600.000.- hvor.


mbl.is 2 ára fangelsi fyrir brot gegn börnum sínum
Tenging við þessa frétt hefur verið rofin vegna kvartana.

Mistök ?

Það virðist vera að svona glæpamenn fái "magnafslátt" af glæpum sínum. Það virðist ekki skipta neinu máli hvað þeir brjóta gegn mörgum refsingin virðist alltaf taka mið af því að einungis hafi verið brotið gegn einu fórnarlambi. Þó svo fórnarlömbin séu fimm þá er talað um fyrsta brot ef um er að ræða fyrsta sinn sem maðurinn kemur fyrir dóm.

Því datt mér í hug hvort ekki væri réttara að ákæra aðeins fyrir eitt brot í einu. Þannig að ef fórnarlömb þessa manns eru fleiri en nú hafa komið fram, þá ættu þau að bíða með að kæra þar til dæmt hefur verið í þessu máli, þá er líka von á þyngri dómi þar sem það yrði þá tæplega um fyrsta brot að ræða.


mbl.is Grunaður um fleiri kynferðisbrot
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband